Бонувонро табрик карданд

Маъмурияти Раёсати захираҳои оби минтақаи ҳавзавии Сирдарё кормандзанони идораро ба муносибати Рўзи Модар табрик гуфтанд. Сардори Раёсат Абдунабӣ Бобоев дар баромадаш оид ба мақому манзалати  зан дар зиндагии инсон ва минҷумла пешрафти ҷомеа сухан карда, изҳор дошт, ки «дар идораи мо низ 5 нафар бонувон баробари мардон софдилона меҳнат мекунанд ва дар пешрафту муваффақияти корамон саҳми арзанда доранд».
Муовини сардори Раёсат Ҳалим Ҳоҷиев, сармутахассис Абдурасул Очилов ва дигарон низ зимни муборакбодии бонувон нақши муассири зан-модарро дар ҳаёти имрўз махсус таъкид карданд. Ба онҳо гулу номаи муборакбодӣ ва тўҳфаҳои хотиравӣ тақдим карда шуд.
Аз номи бонувони идора сармуҳосиб Марҳаматҷон Маҳмудова барои эътибору таваҷҷўҳ нисбаташон арзи сипос намуд.